Lurzoruak alubialak eta sakonak dira, eta testura limo buztintsuak edo limo lohitsuak dituzte. Tenperaturak neurritsuak dira, korronte atlantikoen eraginez.
Ipar-/ipar-mendebaldeko haizea da nagusi, Kantauri itsasotik fresko eta hezetasunez betea datorrena. Udako egunik beroenetan, itsas brisa eguerdian heltzen da, mahastiak freskatzeko.

Hego-haizea dabilenean, aldiz, airea bero eta lehor iristen da Gaztelan zehar ibili ondoren, eta kontraste handia sortzen du; horrek eragin ona du mahatsaren heltze-prozesuan.

Neguko egun argietan, batzuetan, haize izoztu eta hezea etortzen da Goi-lautadatik, eta fenomeno ikusgarria, errepikaezina, eragiten du: harana laino-turrusta batek estaltzen du erabat. Fenomeno horri “El Bollo” esaten diote herritarrek.